У 19 гадзін маскоўскія беларусы шэсцем прайшлі па Кутузаўскім праспекце ад станцыі метро Пастарункавая (Кутузаўская) да помніку Янку Купалу. Удзельнікі акцыі неслі ў руках белыя і чырвоныя кветкі.
Ля помніку былі разгорнутыя нацыянальныя бел-чырвона-белыя сцягі і плакат, з якім раніцой быў затрыманы каардынатар расейскага маладзёвага руху "Абарона" Эдуард Глезін ля Беларускай амбасады.
Адбыўся мітынг, у якім, па розных падліках, прынялі ўдзел ад 20 да 500 чалавек. Мітынгоўцы павіншавалі адзін аднаго з 90-годдем абвяшчэння незалежнасці Беларускай Народнай Рэспублікі і ўсклалі кветкі да помніку Янку Купалу.
Мерапрыемства скончылася святочным фейрверкам.
Потым моладзь адправілася ў гандлёвы цэнтр Еўрапейскі, дзе ў кавярні абмеркавала планы на бліжэйшую будучыню і абмянялася фотаздымкамі.
